शिवाजी विद्यापीठाच्या अधिसभेचे वर्णन.*

*शिवाजी विद्यापीठाच्या अधिसभेचे वर्णन.* 

रंगीबेरंगी फुलांच्या रोपांचा आणि वेलींनी सजलेला सुंदर बगीचा.
काही ठळक रंग, काही सौम्य रंगाच्या फुलांचे
गंधही सुखद सुंदर प्रत्येकाचे वेगळे वेगळे.
कर्तव्यदक्ष तरी कर्तव्य कठोर,
संयमी तरी संवेदनशील संचालनाचा सुंदर नमुना!

जगामध्ये फुलांच्या प्रजाती अनेक...
सर्वांचं प्रतिनिधित्व असणारी सर्वसमावेशक सभा.
नवीन फुलणाऱ्या फुलांसाठी  अन्नद्रव्य, हवा,
पाणी आणि प्रकाशाची व्यवस्था करणारी यंत्रणा!

शब्दांची भाषा असली तरी भावनांचा प्रवाह!
कधी त्यांचा खळखळाट,
कधी त्यांचा गडगडाट...
सर्वांचा मिळून एका उपवानाचा थाट.
कुठे कारंजा,कुठे प्रपात,
आवश्यक तिथे धीरगम्भीर शांत शांत!

समाजात चमचमणारे काजवे... 
इथे त्यांचा लखलखाट!
एकमेकांना प्रकाशाचा प्रसाद देणारा
क्वचित एकमेकांचा सहवास.

चंद्राच्या शीतल प्रकाशात
धरतीचे पोषण करणाऱ्या अनेक रसायनांचे होत होत असते इथे निर्माण.
सुखद,सुंदर धरित्रीच्या अस्तित्वासाठी,
संरक्षण आणि संवर्धनासाठी शक्ती देणारी खाण!

इथे येणाऱ्या प्रत्येकाला वाटत असेल
मी किती भाग्यवान... मी किती भाग्यवान!

आम्हाला आमच्या मातीचा अभिमान,
माती सुपोषित करणाऱ्या कृतीचा अभिमान,
तरीही कर्तुत्वाचा अभिमान नसणाऱ्या वृत्तीचा अभिमान,
कर्तव्य करून कृतकृत्य झालेल्या स्थितीचा अभिमान,
या बगीचाचे रक्षण करणाऱ्या कुंपणाचा अभिमान,
निर्माण करणाऱ्या निर्मिकाचा अभिमान!
तरी पदोपदी क्षणोक्षणी  कर्तव्याची जाण...तरी पदोपदी क्षणोक्षणी  कर्तव्याची जाण!

- वैद्य मनोज पाटील
 दि. 28 /12 /2024

Comments

Post a Comment

Popular posts from this blog

समीक्षा सारांश

पुस्तकाचे नाव :- संवाद  लेखिका :- चेलनादेवी खुरपे प्रकाशक :- मेनका प्रकाशन प्रकाशन हस्ते :- डॉ. तारा भवाळकर.        'संवाद' हे चेलनादेवी खूरपे मॅडम यांच्या लेखांचा संग्रह असलेले पुस्तक आहे, ज्यामध्ये विविध भूमिकांमधील (कन्या,विद्यार्थिनी, शिक्षिका, गृहिणी, आई, आजी, ) स्त्रींचे अनुभव, विचार आणि भावनांचे चित्रण आलेले आहे. हे संवाद म्हणजे पिढी दरपिढी होणारी विचारांची देवाणघेवाण, गावांमधली आपुलकी, नात्यांमधला जिव्हाळा आणि समाजातील व सहकार्यांमध्ये असलेली आत्मीयता...यांचा सुंदर प्रवास आहे.       पुस्तकाचे महत्त्वाचे वैशिष्ट्य म्हणजे त्यातील लेखन हे अत्यंत प्रामाणिक आहे, अनुभवसंपन्न करणारे आहे. अत्यंत प्रेरणादायी आहे. ते जिज्ञासू वृत्ती असलेल्या विद्यार्थ्यांना प्रेरणा देते. समाजात काम करणाऱ्या कार्यकर्त्यांना प्रेरणा देते. विशिष्ट काळातील समाजाचा अभ्यास करणाऱ्या अभ्यासकांना माहिती देते. शिक्षक पेशा स्वीकारणाऱ्यांना प्रेरणा देते. शिक्षकांचा आदर करण्याची सामान्य जनतेला प्रेरणा देते. तरुणांना प्रेरणा देते. वृद्धांना प्रेरणा देते.      लेखिक...
Read more

दोष मिल गया

दोष मिल गया, दोष मिल गया l मुझे किसी का दोष मिल गया ll गुण भूल गया, गुण भूल गया l दोष बखान का मजा आ गया ll धृ ll आदत है मेरी आदत है मेरी l मेरे सामने,क्या औकात है तेरी ll दिल खिल गया,दिल खिल गया l दोष बखान का मजा आ गया ll1 ll एक स्वान था,अस्थि मिल गई l उसे चबाने का मजा आ गया ll यह पता नहीं,रुधिर कहां से है? रस आ गया,या जबड़ा फट गया ll3ll एक गुरु मिल गया,सच बता गया l आंख खुल गई,दिल पिघल गया ll अब समझ गया, क्या गलत किया! सीखने का फिर,मजा आ गया ll4ll
Read more

"संवाद" या पुस्तकावरून...(2)

       ' संवाद' हे पुस्तक लेखांचा संग्रह आहे. प्रस्तुत लेखांमध्ये संवाद एका शिक्षिकेचा आहे... संवाद एका गृहिणीचाआहे... संवाद एका आईचा आहे... संवाद एका आजीचा आहे... संवाद एका विद्यार्थिनीचा आहे... विद्येच्या ग्रहणासाठी आणि विद्येच्या प्रदानासाठी बंडखोरी करणाऱ्या एका कन्येचा आहे... "संवाद" या पुस्तकाच्या मलपृष्ठावर लिहिल्याप्रमाणे, "संवाद म्हणजे विचारांची आणि भावनांची देवाण घेवाण, माणसा माणसांची मन जोडणारा एक पूल!बदलत्या काळामध्ये संवादाचे रूपच पालटलं,तिथे खऱ्या अर्थाने व्यक्त संवादातून निर्माण होणाऱ्या आपुलकी,जिव्हाळा,आत्मविश्वास यांचा चित्रपट म्हणजे संवाद हे पुस्तक!   'संवाद' असे या पुस्तकाचे नाव आहे. पण त्यांनी जे जे विषय त्यामध्ये हाताळले आहेत त्या विषयांचा अभ्यासू विवेचन त्यांच्या लेखांमध्ये आढळतं. ". संवाद फक्त संवाद नको, तर तो सुसंवाद असावा, संवादात नम्रता असावी ,जिव्हाळा असावा, आपुलकी असावी ,विश्वास असावा ,प्रामाणिकपणा असावा ,गोडी असावी, भावुकता असावी" असं त्या स्वतः लिहितात आणि त्यांच्या लेखनामध्ये ते सर्व दिसून येतात. त्या अर्थाने संव...
Read more