परिवार मंत्र

माझ्यासाठी तुमच्यासाठी सगळ्यांसाठी...
परिवार मंत्र

आपण सगळे माणसं आहोत,
सगळ्यांना चुकायला परवानगी आहे.
आपण चांगलेच आहोत सगळे
एकमेकावर विश्वास ठेवायला काय हरकत आहे?

दुसऱ्यांच्या चुकांना सोसायला यावे.
स्वतःच्या चुकांना हसायला यावे.
कसे असावे.. कसे नसावे.. असे कशाला हवे?
जे जसे आहेत तसे स्वीकारायला काय हरकत आहे?

क्रोध मदिरा, भाषेवरचा सुटतो दोरा
अहंकारसुद्धा एक नशाच वेगळी
होते प्रत्येकाची जागी ..कधी कधी,
क्षणात विसरून जायला काय हरकत आहे?

क्षमा करून टाकू सर्वांना प्रत्येक वेळी
स्वतःलाही क्षमा करू प्रत्येक वेळी
देव नाही आपण ...आणि समोरचा ही
वेगळेपण जपू देवू ज्याला त्याला.. काय हरकत आहे?

विचारले तरच सल्ला द्यावा
मागितली तरच मदत करावी
अंतरीचा भाव चांगला.. राहू दे आतल्या आत
प्रत्येकाची वेगळी मते व पध्दती, काय हरकत आहे?

कशाचेच नको प्रदर्शन, असे व्हावे धर्माचे पालन .
धर्माची आहे शक्ती,कधीतरी कळेल त्याचे त्याला
आज नाही पटले तर राहू दे
'देखो,जानो,बिगडो मत'म्हणायला काय हरकत आहे?

तुझ्या भल्यासाठी मी तडफडावे
माझ्या भल्यासाठी तू तडफडावे
मग घरामध्ये सुख कसे नांदावे?
फार आग्रह नको,फक्त भाव करू.. काय हरकत आहे?

टोकाचे विचार, टोकाचे निर्णय, टोकाचे निष्कर्ष
टोचत असतात आपल्याला आणि इतरांनाही
कशाला बनायचे काटेरी झुडप,
विशाल वडाची सावली बनायला काय हरकत आहे?

(वैद्य.मनोज पाटील,30 ऑक्टोबर 2023)

Comments

Post a Comment

Popular posts from this blog

समीक्षा सारांश

पुस्तकाचे नाव :- संवाद  लेखिका :- चेलनादेवी खुरपे प्रकाशक :- मेनका प्रकाशन प्रकाशन हस्ते :- डॉ. तारा भवाळकर.        'संवाद' हे चेलनादेवी खूरपे मॅडम यांच्या लेखांचा संग्रह असलेले पुस्तक आहे, ज्यामध्ये विविध भूमिकांमधील (कन्या,विद्यार्थिनी, शिक्षिका, गृहिणी, आई, आजी, ) स्त्रींचे अनुभव, विचार आणि भावनांचे चित्रण आलेले आहे. हे संवाद म्हणजे पिढी दरपिढी होणारी विचारांची देवाणघेवाण, गावांमधली आपुलकी, नात्यांमधला जिव्हाळा आणि समाजातील व सहकार्यांमध्ये असलेली आत्मीयता...यांचा सुंदर प्रवास आहे.       पुस्तकाचे महत्त्वाचे वैशिष्ट्य म्हणजे त्यातील लेखन हे अत्यंत प्रामाणिक आहे, अनुभवसंपन्न करणारे आहे. अत्यंत प्रेरणादायी आहे. ते जिज्ञासू वृत्ती असलेल्या विद्यार्थ्यांना प्रेरणा देते. समाजात काम करणाऱ्या कार्यकर्त्यांना प्रेरणा देते. विशिष्ट काळातील समाजाचा अभ्यास करणाऱ्या अभ्यासकांना माहिती देते. शिक्षक पेशा स्वीकारणाऱ्यांना प्रेरणा देते. शिक्षकांचा आदर करण्याची सामान्य जनतेला प्रेरणा देते. तरुणांना प्रेरणा देते. वृद्धांना प्रेरणा देते.      लेखिक...
Read more

दोष मिल गया

दोष मिल गया, दोष मिल गया l मुझे किसी का दोष मिल गया ll गुण भूल गया, गुण भूल गया l दोष बखान का मजा आ गया ll धृ ll आदत है मेरी आदत है मेरी l मेरे सामने,क्या औकात है तेरी ll दिल खिल गया,दिल खिल गया l दोष बखान का मजा आ गया ll1 ll एक स्वान था,अस्थि मिल गई l उसे चबाने का मजा आ गया ll यह पता नहीं,रुधिर कहां से है? रस आ गया,या जबड़ा फट गया ll3ll एक गुरु मिल गया,सच बता गया l आंख खुल गई,दिल पिघल गया ll अब समझ गया, क्या गलत किया! सीखने का फिर,मजा आ गया ll4ll
Read more

"संवाद" या पुस्तकावरून...(2)

       ' संवाद' हे पुस्तक लेखांचा संग्रह आहे. प्रस्तुत लेखांमध्ये संवाद एका शिक्षिकेचा आहे... संवाद एका गृहिणीचाआहे... संवाद एका आईचा आहे... संवाद एका आजीचा आहे... संवाद एका विद्यार्थिनीचा आहे... विद्येच्या ग्रहणासाठी आणि विद्येच्या प्रदानासाठी बंडखोरी करणाऱ्या एका कन्येचा आहे... "संवाद" या पुस्तकाच्या मलपृष्ठावर लिहिल्याप्रमाणे, "संवाद म्हणजे विचारांची आणि भावनांची देवाण घेवाण, माणसा माणसांची मन जोडणारा एक पूल!बदलत्या काळामध्ये संवादाचे रूपच पालटलं,तिथे खऱ्या अर्थाने व्यक्त संवादातून निर्माण होणाऱ्या आपुलकी,जिव्हाळा,आत्मविश्वास यांचा चित्रपट म्हणजे संवाद हे पुस्तक!   'संवाद' असे या पुस्तकाचे नाव आहे. पण त्यांनी जे जे विषय त्यामध्ये हाताळले आहेत त्या विषयांचा अभ्यासू विवेचन त्यांच्या लेखांमध्ये आढळतं. ". संवाद फक्त संवाद नको, तर तो सुसंवाद असावा, संवादात नम्रता असावी ,जिव्हाळा असावा, आपुलकी असावी ,विश्वास असावा ,प्रामाणिकपणा असावा ,गोडी असावी, भावुकता असावी" असं त्या स्वतः लिहितात आणि त्यांच्या लेखनामध्ये ते सर्व दिसून येतात. त्या अर्थाने संव...
Read more